 | |
| إتعلم التسويق الالكتروني - الديجيتال ماركتنج من البيت |
Blog
 |
| شرح A/b Testing لزيادة الأرباح وتحسين الإعلانات |
كلامنا عن A/B Testing الخاصة بـ Facebook Ads
-"
تعتبر ميزة لأي شخص بيـعمل إعلانات علي الفيس بوك مهما لأنها بتقدر تاخد قرار صح عشان توصل لأفضل نتيجة وبتوفر عليك وقت ومجهود كبير جداً وطريقتها سهلة .. من خلال A/B Testing بتقارن أو تختبر أكتر من إستهداف في نفس الوقت لنفس الإعلان وفي النهاية الفيسبوك بيحدد لك أفضل واحد فيهم بناءاً علي نجاح وصوله وتفاعل الجمهور معاه، لازم تبقى فاهم الجمهور بتاعك عشان توصلهم بطريقة أحسن وبأقل تكلفة.
إزاي تعمل الـ A/B Testing ؟
-الصورة الأولي:-
بتختار هدف الإعلان بتاعك وقبل ما تضغط متابعة بيبقي في إختيارين زي ما هو موضح في الصورة.
كل اللي عليك تخلي Create split test ON زي ما موضح في الصورة التانية.
-الصورة التانية:-
لما تعمل ON هيظهرلك تاب (Variable) هتدوس عليها وتخنار Audience بكدا أنت اختارت تعمل مقارنة بين الجمهور يعني الإستهداف في إمكانية تقارن بين كذا حاجة (الصورة- أماكن ظهور الإعلان- نظام المحاسبة) ولكن أهمهم هو الإستهداف.
-الصورة التالتة:-
بتنتقل بعد كدا للصفحة اللي بعدها عادي تماماً ولكن هتلاحظ في مكان الإستهداف ان بقي عندك 2 إستهداف, تقدر تحط جمهور محفوظ قبل كدا او تنشأ واحد جديد وتقدر تضيف أكتر من إستهداف لما تدوس (Test Another Ad set)
لما تحط الإستهدافات بتاعتك أنت خلصت 80% من الموضوع بالبساطة دي.
بتدخل بعد كدا علي الميزانية, وهنا الميزانية اللي بتحددها بتتقسم علي عدد الإستهدافات يعني لو حطيت 100 جنيه لعدد 2 إستهداف كل واحد فيهم هياخد 50 جنيه وهكذا .. وتكمل إعلانك عادي تختار الوقت والبوست وتضغط Confirm في الأخر.
-الصورة الرابعة:-
دا شكل الإعلان في الأدز مانجر وبعد ما وقت الإعلان يخلص الفيس هيحطلك علامة عند الإستهداف اللي تفوق علي الكل زي ما في الصورة كدا, وكدا مبروك عليك عرفت الإستهداف المضمون والمظبوط.
- مدة الاختبار بتكون يوم أقل حاجة من خلالها هتقدر بتحليلك للنتايج أي إعلان افضل عشان توقفه وتبدأ الإعلان الاساسي.
- لازم خياراتك تكون محددة يعني أنت محتار بين A- B- C مثلا مش محتار بين عدد كبير من الإستهدافات.
" كل ما توصل لإستهداف كويس طوره ع أد ما تقدر لحد ما توصل للإستهداف إللي يوصلك لجمهورك الصح بأقل تكلفة
 |
| إتعلم إزاي تسوق منتج جديد و تزود مبيعاتك |
علشان تقدر تخدم عملية تسويق المنتج الخاص بيك بشكل سليم وتحقق نتيجة واضحة ومترميش فلوسك فى الأرض وتضيع وقتك ومجهودك .. الموضوع آكبر من إن مجرد إعلان بتعمله وتقعد تستني مبيعات أو تشتكي .. فيه أسئلة لازم تبقي عرفها وتراعيها قبل عملية التسويق لأى منتج .. علشان بتساعدك في تنظيم أفكارك وخطوات التسويق إللى هتمشى عليها والإعلانات إللي هتعملها وإزاى هتقيس نتائجها والتارجت إللى إنت عايز تحققه وتوصل له فى أى خطة تسويقية هتعملها سواء بشكل مفصل أو خطة " عمل " سريعة على " السوشيال ميديا "
.
( أنا بسوق إيه بالضبط.؟)
أيوه أنت عارف شكل المنتج وتفاصيله وأسعاره.! ممكن متبقاش عارف تفاصيل دقيقة زي مثلاً "عميل سألني إرتفاع الحذاء كم سم عن الأرض" فـ ممكن متبقاش عارف هو المنتج بيستخدم فى إيه تحديداً .. مش مدرك لكافة مميزاته وإستخداماته المختلفة .. وممكن متبقاش عارف إيه عيوبه كمان دى إللى هتأثر على رد فعل الناس عليه وبيبقى فيه إجابات لازم تحضرها علشان أسئلة العيوب قبل المميزات.! فمحتاج تعمل بحث أكتر عن المنافسين ورأى السوق والعملاء وتجاربهم معاه هو نفسه بحيث تكون عارف ( إنت بتسوق إيه، وهتسوق له إزاى، وهتتكلم عنه بأى شكل ).
(المنتج هيروح لمين ومين محتاجه.؟)
لازم تدرس وتحدد مين الشريحةإللى أنت بتستهدفها فى البيع .. من أول الناس دى هما مين.؟ أعمارهم.؟ شريحتهم الإجتماعية.؟ أماكن تجمعاتهم.؟ سلوكهم الشرائى والحياتى.؟ أيه مشاكلهم وأيه إحتياجاتهم.؟ ليه عايزين منتجك.؟ ليه منتجك هيبقى أفضل لهم.؟ مين فيهم محتاجه أكثر ومين صاحب قرار الشراء.؟ هتخاطب كل الشرائح مرة واحدة ولا هتركز على شريحة أو إثنين.؟ هتبيع كل منتجاتك فى نفس الكامبين ولا منتج رئيسى أنت عارف إنه هيشدهم إنهم يشوفوا باقى منتجاتك ( لو عندك أكثر من منتج لنفس الشريحة ).؟ كل ده أسئلة لازم تجاوب عليها بإنك ( تعرف – تدرس – تبحث – تدور عن .. أنت بتسوق لمين ومين إللى محتاج منتجك ) .
(إزاى هسوق له صح وفين.؟)هنا السؤال مكمل لعملية البحث السابقة.! .. علشان توظف ميزانية صح ومجهود التسويق وألية الإعلانات ومتخسرش وترمى فلوسك فى الأرض فلازم تعرف جمهورك ده فين.؟ بيقضى أطول وقت على إيه ( أونلاين ، أوفلاين ) ياترى أفضل وأكبر منصة " تواصل " بيبقوا عليها هى مين. ؟ تويتر ولا فيسبوك.؟ ونسبتهم فى كل قناة منهم .. ومين أفضل قناة فيهم بييجى منها "تفاعل" له عائد على الشراء منك أو التفاعل مع منتجاتك بشكل مباشر .. دى أسئلة مهم جداً تحددها وتعرف إجابتها كويسة.
لو عاوز تعرف إزاي تعمل تابع 👈 (
إزاي تحلل صفحات المنافسين علي الفيسبوك
تحليل المنافسين بــ Facebook Analysis 
"
منصة الفيسبوك موفرة Tool مميزة جداً، فـ لازم يكون عندك خلفية إزاي تعرف تدرس وتحلل صفحات المنافسين وكمان من خلالها هتعرف منافسينك بيصرفوا إعلاناتهم على أنهي محتوي بوستات بالظبط ع صفحاتهم.
الأهم إن أداة Facebook Ad Library مجانية
لينك الأداة :- https://fb.com/ads/library
بتظهرلك عدد الـ Admins الموجودين علي الصفحة ومن أنهي دولة في العالم وهنا محدش هيعرف يخدعك لو بتراسل صفحة أجنبية علي كورس مثلا هتعرف الأدمنز منين
.
هتشوف الإعلانات الـ Active الموجودة علي الصفحة وعرض للإعلان وأيضا البلاد المستهدفة هتقدر تتابع المنافس وتعرف الإعلانات إللي بيعملها بالظبط أهم ميزة
.
هتعرف تاريخ تأسيس الصفحة حتي لو حصل أي تغييرات في إسمها قبل كدة، عشان لو بتشتري صفحة هتجـيب تفاصيلها من البداية ومحدش هيعرف يحور عليك
.
مثال حي حالاً صفحة فودافون مصر بالصور
عملها الوقت 7 إعلانات نشط لأحدث عروض عندها، مغيرتش إسم الصفحة ولا حتي دمجها مع أي صفحات قبل كدا، عدد الأدمنز فيها 46 من مصر طب لو عاوز تتعمق أكتر في الـAnalysis عن صفحاتك أو المنافسين هتبـحث عن شرح كل أداة بالسيرش.
_ أداة الـ BigSpy:- هـتبحث عنها لأن الفيس حظر لينك الموقع.أداة الـ AdEsPressoلينك:- https://adespresso.comأداة Facebook Analyticsتحليل صفحاتك:- https://fb.com/analyticsأداة الـ Facebook Audience Insightsشرح كامل :- https://bit.ly/2ZCNv2m
.
شرح مثال عملي علي صفحة فودافون
❎ تقدر تشوف باقي المقالات علي #عربي_ماركتنج علي الفيسبوك ❤
كيفية مراسلة إدارة الفيسبوك شات أو إتصال تليفون
, لكل المهمتين بـ Facebook Ads "
الميزة متوفرة للـصارفين مبالغ في حساباتهم"ممكن تجرب"، وعاملين بيزنس أكونت، أكيد هتحتاجها و وقتها هتقدر تساعد نفسك ومتحتاجش تلـف الطريقة بالتفصيل .. لو شايف إن ممكن يفيد غيرك متبخلش إنك تفيد غيرك، دورت ع شروحات ليها ملقتش خالص قلت أعملهالكم بالخطوات .. ناس كتير بتقولي يا عربي عندنا مشاكل في الإعلانات أو الحساب نفسه، متعرفش إنك ممكن تكلم خبير من فريق الفيسبوك مكالمة هاتفية متوسط ساعة يعمل معاك الإعلان واحدة واحدة وكمان يعملك الـ Custom audience & Lookalike بطريقة صحيحة عن طريق البيدج بتاعتك.وفيه أيضا طريقة تفتح معاهم شات دردشة ماسنجر، كأنك بتكلم واحد صحبك، لو عندك أي مشكلة بحسابك الإعلاني أو الفيزا أو تعطيله ..إلخ غير الطرق التقليدية بتاع مراسلة الدعم في شكل تذكرة.
عشان تعرف تستخدم الطرق دي لازم يكون عندك حساب بيزنس علي أكونتك بالـ Adsmanager هتعرف منين طيب إنك مؤهل تستخدمها..؟
هتدخل علي اللينك :- https://bit.ly/3eIhJ9T
- لو ظهر ليك زي صورة رقم 1 حسابك مؤهل تمام هتكتب بياناتك وتحدد معاهم المعاد إللي متاح فيه براحتك.
- صورة رقم 2 دي لما جالي التأكيد بتاع المكالمة بيتصلوا عليك هما وفضلوا معايا ساعة لأن كنت صارف مبلغ كبير في حسابي فـ دا مكسب ليهم إن اعمل إعلانات أكتر.
طب لو عاوز تكلمهم دردشة شات :-
طب لو عاوز تكلمهم دردشة شات :-هتدخل علي اللينك :- https://bit.ly/2Azxi4S
هتلاقي جملة هل ما زلت بحاجة للمساعدة؟
هتضغط علي كلمة " بدء الإستخدام "
- هيظهر زي صورة رقم 3 وتختار أي مشكلة محتاج حلها زي الدفع، الحساب نفسه، الصفحة، التحليل..إلخ
-صورة رقم 4 هتكمل عادي جداً بياناتك وضغط بدء الدردشة..
-صورة رقم 5 الشكل النهائي 10 دقايق بالظبط وهيكون معاك حد من فريق الفيسبوك بيتابع معاك مشكلتك بالتفصيل..
❎ تقدر تشوف باقي المقالات علي #عربي_ماركتنج علي الفيسبوك ❤
 |
 |
| 6 خطوات لكي يشتري العميل منتجك لزيادة المبيعات |
مهم جداً سواء ليك علاقة بالسيلز خاصةً الأفيليت ماركتنج، فن البيع هو القدرة على تسويق خدماتك ومنتجاتك وتعريف الناس بالشركة ومنتجاتها عن طريق عرضهم بأفضل صورة، يعتبر إقناع العميل بالمنتج أبرز العوامل المهمة في التسويق.
لو مبتعملش 3 علي الأقل من دول متسألش ليه مفيش مبيعات (6 حاجات مهمـة لاقناع العميل)
من كتاب "Influence" للبروفيسور "روبرت شالديني"، أستاذ التسويق وعلم النفس.
المثال - إزاي تقنع عميل إنه يشتري "كوتشي رياضي"
1- الندرة:-
"متبقي آخر قطعتين من الكوتشي، إطلب دلوقتي قبل نفاذ الكمية أو إنتهاء العرض "
" النهاردة بس، تقدر تشتري الكوتشي بخصم 30%"
تلقائيـاً، البشر أول ما يحسوا إن الحاجة المتاحة قليلة (نادرة)، بيحتاجوا منها أكتر.!
2- الإرتياح:-
البائع المجامل المبتسم يخلق احساس بالارتياح لدى العميل.. نشترى من اشخاص نرتاح لهم
والإرتياح يأتي من التشابه او المجاملة أو المساعدة.
3- الإجماع:
"حضرتك تقدر تدخل على لينك صفحتنا على الفيس، هتلاقي كل الكومنتات بتقول إن الكوتشي جودته عالية وخفيف في الرجل أو تبعتله صور تقييمات المنتج بعملاء سابقين".
العميل المتردد بيكون محتاج إقناع أكبر، فبالتالي إثباتك إن عدد كبير من العملاء اشترى الكوتشي وعجبه، بيزوّد من ثقته فيك.
4- الإتساق:-
لو الشركة نجحت تخلى العميل ياخد خطوة صغيرة في اتجاه الشرا.. فـ ده هيكون طريق لاقناعه .. لاننا بنتسق مع سلوكنا السابق، مثلا إبعت رقم الواتس لتحصل على الخصم
العميل إللي هيبعت وياخد الخطوة دي أسهل يقتنع ويشتري.
5- الخبـرة:-
ممكن حد من الشركة يقدم زميله للعميل .. "فلان عنده خبرة في الموضوع اكتر من 10 سنين، واكتر واحد هيقدر يفيدك".
كل ما كانت خبرتك عالية في المجال،ا بتقدر تكسب ثقة عميلك وتقنعه بكل سهولة.
6- المعاملة بالمثل:-
"شراب رياضي، هدية مننا لحضرتك تفتكرنا بيها دايماً"
إحترام العميل وكسب وده ، بينعكس إيجابياً على سمعة المحل، وبيحاول يرد الجميل دا بإقناع صحابه إنهم يشتروا الكوتشي منك.
 |
| أبرز مصطلحات وتعريفات السوشيال ميديا ماركتنج |
المقال للناس الجديدة في المجال تجميعة لأبرز المصطلحات لأى حد شغال فـالـ Social Media لولا إنكم هتزهقوا من القراءة وحجم البوست وقفتهم عند 15، لازم تكون فاهمها وعارفها هتقابلك وأنت شغال
1- Post
هو إللي بتنشره على أى موقع من مواقع التواصل الأجتماعى سواء كان صورة أو بوست نصى أو فيديو أو لينك.
2- B2C
إختصار لـ Business to Consumer، تمثل أغلبية الناس من الأعمال التجارية
صفقات أوعمليات تتم بين شركة ومستهلك زي ما تشتري ملابس من متجر.
3- B2B
إختصاو
لـ Business To Business، معناه أنك بتكون شركة وبتستهدف بشغلك شركة تانية
يعنى العملية التسويقية بتم بين شركتين وليس شركة ومستهلك زي شركات الـ
الإيكوميرس "نون، سوق مع شركات الشحن"
4- Reach
مصطلح يتم
إستخدامه على أى بوست أنت بتنشره على صفحتك، معناه عدد الناس إللى البوست
بتاعك وصل لهم كم واحد شاف البوست علىNews Feeds و ينقسم إلي Organic Reach
& Paid Reach
5- Organic Reach
يدل علي أن البوست بتاعك وصل
للناس من غير إعلان يعنى وصول طبيعى وبيقـيس مدى قوتك لأن كل لما معدل
الوصول الطبيعى بتاعك بيزيد معاه قيمة المحتوى إللى بتنشره بتكون عالية.
6- Paid reach
العكس هتدفع فلوس مقابل نشر المحتوى بتاعك إعلانات هتعملها عشان المحتوي بتاعك يوصول لعدد أكبر من الناس.
7- Engagement
تدل
على نوعية البوستات إللى بيتم نشرها الهدف منها جذب الناس للتفاعل مع
المحتوي إللي بتقدمه إختصاراً لأيكات، كومنتات، رسايل سواء فكرة معينة أو
أي كان البوست.
8- Conversion Rate
معدل التحويل معني اي برضوا
..؟ من خلالها بتقدر تعرف المحتوي نفسه المنتج، أو خدمة اللي بتقدمها نجحت
مع الناس ولا لا حقق يعني النتيجة المطلوبة عامل مهم جداً بتشوف KPIs
البوست شرح (https://bit.ly/3gj0Kft)
9- Per Impression & Per Click
يعنى حسب عدد مرات ظهور إعلانك بيتـم الخصم من رصيدك وطريقة حسابها بالـ
1000ظهور ولكل ألف ظهور أنت بتحدد الـ Bid، يعنى مثلا الإعلان بتاعك هيظهر
ألف مره والألف تساوي 0.05$. وفيه نوع تاني الـ Per Click الإعلان بيكون
علي حسب الضغطات مثلا بتحدد أن الضغطة هتكون بـ 0.01$ سنت يعني لكل ضعطة.
10- Trend
ببساطة
كلمة تريند تعني المـنتشر في موضوع معين يتحدث فيه الناس خلال فترة من
الزمن، من أكتر المواقع إللى بتهتم بالمصطلح ده تويتر، مثلا برشلونة و
ريال مدريد تلاقي كلمة Classico متصدرة وبتزيد كل ما التفاعل عليها يزيد.
من جوجل هتعرف التريند يومياً أي في مصر من خلال اللينك:- (https://bit.ly/3k5hXvx)
11- Spam
هي إنتشار رسائل و كلام على الأنترنت الغير مرغوب فيه بشكل مكثف فى وقت قصير بدون استئذان، وإستخدامه بكثرة علي الإيميل بكميات كبيرة للدعايا بأقل الأسعار.
12- Viral Content
يمثل إنتشار الفـيروسى هذا النوع من المحتوى يتميز بصفة النمو السريع في وقت قصير بين الآلاف أوالملايين من الناس من مختلف الدول وبيعتمد على فكرة بتجذب تفاعل الناس.
13- HashTag
علامة الـ "#" و من أبرز المواقع إللى بتستخدم الهاش تاج طبعا الفيسبوك، تويتر، إنستجرام الميزه الرئيسية للهاش تاج بيسهل عملية تصنيف المواضيع إللى فى نفس المجال وبتحتوى على نفس الهاش تاج. زي #عربي_ماركتنج
14- Share of Voice
عبارة عن مدى إنتشار إسم المنتج بتاعك على الانترنت، وقياسها دايماً حسب عدد مرات ذكر إسم منتجك فى أى حوار.
15- Analysis & Insights
تمثل في السوشيال ميديا الإحصائيات أو التحليل إللى أنت بتقوم بـه في شغلك أونلاين زي " عدد المتابعين، نسبة تفاعلهم معاك، المحتوى بتاعك بيوصل لناس أد أيه من هنا هتعرف تحلل صفحاتك أو المنافسين (https://bit.ly/3hYAdV9)
"لو محتاج كتاب كامل قاموس التسويق من A : Z"
- من خلال اللينك :- إضغط هـنا
الشهادات مش كل حاجة تثبت أنك متعلم، لكنها لا تثبت أنك تفهم.
مش دليل على إنك فاهممش دليل على إنك ناجحمش دليل على إنك مثقفمش دليل على إنك شخص ذو خبرة.
الشهادات دليل علي إنك أتممت مرحلتك التعليمية بس مش معنى كده تبقى متخرج شاطر في مجال دراستك .. أو إنك خلصت كورس ماركتنج بس مش دليل على إنك هتكون Marketer شاطر أو Freelancer مفيش زيك إتنين .. بـمعني إن الشهادة مش كل حاجة مجرد إثبات حالة جزء صغير جداً بحيث لو إتشال يفضل العلم والمعرفة عندك ثابتة، سيبكم من حتة معتمدة ولا لا قبل ما تبص على الشهادة شوف الأول المادة العلمية .. الخبرة إللى هتكتسبها .. هل الكورس ده يستحق المجهود والوقت إللى هتبذله فيه ولا لا..؟ لأنك في الآخر مش هتعيش في الحياة بشهاداتك، أنت هتعيش بـ خبرتك ومهاراتك العملية والعلمية إللي أنت إكتسبتها من تطبيق المعلومات ركز على إزاي تتعلم كويس جداً و تستفاد الأول من الكورس أبو شهادة دا قرار كان من فترة شركات زي جوجل، آبل، iBM أجمعوا إن الشهادة مش مهمة طول ما إبداعك أكبر و التعيين في شركاتهم لن يهتموا بالشهادات .
لأسف مصر بعيدة جداً عن الموضوع دا بإستثناء بعض الشركات الـmultinational.
Subscribe to:
Posts (Atom)